ﻳﻮﻡ ﻗﻠﺖ ﺳﻮﺩﺍﻧﻲ .. ﻋﺎﻳﺰ ﻟﻲ ﺟﻨﺴﻴﺔ
ﻗﺎﻝ ﻟﻲ ﻗﺒﻴﻠﺘﻚ ﺍﻳﻪ؟ .. ﻭﺍﻧﺎ ﻗﻠﺖ ﻧﺎﺳﻴﻬﺎ
ﻣﻤﻜﻦ ﺗﻌﺪﻳﻬﺎ؟ .. ﻗﺎﻝ ﻟﻴﺎ ﻣﺎ ﻣﻤﻜﻦ
ﻋﻠﺸﺎﻥ ﺿﺮﻭﺭﻳﺔ .. ﻭﺍﻧﺎ ﻗﻠﺖ ﻃﻴﺐ ﺷﻮﻑ
ﺍﻧﺎ ﺍﻣﻲ لحويه ..ﻓﻲ ﺷﻜﻞ ﺷﺎﻳﻘﻴﺔ
ﻭﺍﺑﻮﻱ هلباوي .. ﻭﻣﻼﻣﺤﻮ حلفاويه
ﻭﺑﺼﻠﻲ ﺑﺎﻟﻌﺮﺑﻲ .. ﻭﺩﻋﻮﺍﺗﻲ ﻧﻮﺑﻴﺔ
ﺍﻟﺤﺎﻧﻲ ﺑﺎﻟﻄﻤﺒﻮﺭ .. ﻭﺍﺷﻌﺎﺭﻱ ﺯﺍﻧﺪﻳﺔ
ﻭﺳﺎﻛﻦ ﻗﺼﺎﺩ ﺍﻟﺸﻮﻕ ..ﻓﻲ ﻋﻴﻮﻥ ﺭﺯﻳﻘﻴﺔ
ﻧﺒﻀﺎﺗﻲ ﻧﻘﺎﺭﺓ .. ﺍﺻﻼ "تعايشية"
ﺍﺣﻼﻣﻲ ﻣﺤﺘﺎﺭﺓ ..ﻣﺮﺍﺕ ﺑﺪﻳﺮﻳﺔ
ﻣﺮﺍﺕ ﺑﺘﺴﺮﺡ ﺳﺎﺍﺍﺍﺍﻱ .. ﺗﻘﻠﺐ ﺑﺠﺎﻭﻳﺔ
ﻛﺘﺮﺕ ﺍﺳﺎﻣﻴﻬﻢ .. ﺍﺟﻨﺎﺱ
ﺧﺮﺍﻓﻴﺔ .. ﺭﺍﺣﺖ ﻋﻠﻲ ﻣﻌﻠﻴﺶ
ﺍﻟﺮﺍﻳﺤﺔ ﻣﻨﺴﻴﺔ .. ﻗﺎﻝ ﻟﻲ ﺍﺧﺮ ﺍﻟﻘﻮﻝ
ﺍﻛﺘﺐ ﻗﺒﻴﻠﺘﻚ ﺍﻳﻪ؟ .. ﻭﺍﻧﺎ ﻗﻠﺖ ﺍﻛﺘﺐ
ﺯﻭﻝ .. ﻭﻗﺒﻴﻠﺘﻲ ﺣﺮﻳﻪ
ﺃﺑﻮﻱ ﺳﻮﺩﺍﻧﻲ ..ﻭﺃﻣﻲ ﺳﻮﺩﺍﻧﻴﻪ .. ﺩﻋﻮﺓ
ﻟﻠﺘﻮﺣﺪ ﺑﻌﻴﺪﺍ ﻋﻦ ﺍﻟﺠﻬﻮﻳﺔ
هذا هو مشروع العام الجديد
لا لا للقبليه
معآ لنشر هذه الثقافه
كلام جميل
ردحذف